ഖത്തറില്‍ ഗതാഗത നിയമലംഘനം നടത്തിയ വാഹനങ്ങള്‍ക്കും ഇനി രജിസ്‌ട്രേഷന്‍ പുതുക്കാം
ഖത്തറില്‍ ഗതാഗത നിയമലംഘനം നടത്തിയ വാഹനങ്ങള്‍ക്കും ഇനി രജിസ്‌ട്രേഷന്‍ നടപടിക്രമമായ ഇസ്തിമാറ പുതുക്കാം. ജനറല്‍ ഡയറക്ട്രേറ്റ് ഓഫ് ട്രാഫിക് ആണ് ഇക്കാര്യം അറിയിച്ചത്. നിയമലംഘനമുള്ള വാഹനങ്ങളുടെ ഇസ്തിമാറ പുതുക്കല്‍ ഉള്‍പ്പെടെയുള്ള നടപടികള്‍ മാര്‍ച്ച് 17ന് ശേഷമായിരിക്കും പ്രാബല്ല്യത്തില്‍ വരിക.ഖത്തര്‍ ദേശീയ ദിനത്തോടനുബന്ധിച്ച് നടപ്പാക്കിയ പിഴ ഇളവുകാലം മാര്‍ച്ച് 17നാണ് അവസാനിക്കുന്നത്. തുടര്‍ന്ന് രാജ്യത്തെ ഗതാഗത നിയമങ്ങള്‍ കൂടുതല്‍ കര്‍ക്കശമാക്കാനാണ് അധികൃതരുടെ നീക്കം. ഗതാഗത ലംഘനങ്ങളുടെ ഒത്തുതീര്‍പ്പ് കാലാവധി പരമാവധി പേര്‍ പ്രയോജനപ്പെടുത്തണമെന്ന് അധികൃതര്‍ ആവശ്യപ്പെട്ടു. നിലവില്‍ ട്രാഫിക് ലംഘനങ്ങള്‍ക്ക് പിഴചുമത്തപ്പെട്ടവര്‍ മൂന്നു മാസത്തിനുള്ളില്‍ തീര്‍പ്പാക്കുകയാണെങ്കില്‍ 50 ശതമാനം പിഴ നല്‍കിയാല്‍ മതിയാവും. മെട്രാഷ് രണ്ട് ആപ്ലിക്കേഷന്‍ വഴി ട്രാഫിക് ഫൈന്‍ അടച്ചു തീര്‍പ്പാക്കാവുന്നതാണ്.
Facebook
Twitter
